ქართველმა სამხედრომ მკლავჭიდის საერთაშორისო ასპარეზობაში მე-2 ადგილი მოიპოვა
28 ნოემბერი 2022
საქართველოს თავდაცვის სამინისტროს სამხედრო პოლიციის დეპარტამენტის პირადი დაცვის სამმართველოს წარმომადგენელმა, თავდაცვის მინისტრის პირადი დაცვის წევრმა ლუკა მგელაძემ მკლავჭიდის საერთაშორისო ტურნირში "Nordic open" რომელიც დანიის დედაქალაქ კოპენჰაგენში 25-26 ნოემბერს ჩატარდა მე-2 ადგილი მოიპოვა.
 
ლუკა მგელაძემ 86 კილოგრამიან კატეგორიაში ორივე მკლავში ვიცეჩემპიონის ტიტული დაიმსახურა. აღსანიშნავია, რომ 1 თვის წინ სამინისტროს იგივე დანაყოფის თანამშრომელმა ლევან ბერძენიშვილმა 95 კილოგრამიან წონით კატეგორიაში საფრანგეთში, ქალაქ დიეპში მსოფლიო ჩემპიონის ტიტული მოიპოვა.