ქართველმა მშვიდობისმყოფელებმა ამერიკელი სამხედროები დააჯილდოვეს
23 აპრილი 2019

საქართველოსა და შეერთებულ შტატებს შორის სამხედრო თანამშრომლობის განვითარების საქმეში შეტანილი წვლილისთვის ავღანეთში, ბაგრამის საავიაციო ბაზაზე,  საზღვაო ქვეითთა კორპუსის  ქართული სამეკავშირეო ჯგუფის სამხედრო მოსამსახურეები დააჯილდოვეს.  II  ქვეითი ბრიგადის 22-ე  ბატალიონის  მეთაურმა, ვიცე-პოლკოვნიკმა თედორე პაპავამ და ავღანეთში უფროსი სამხედრო წარმომადგენლის მოადგილემ, ვიცე-პოლკოვნიკმა დავით წიკლაურმა ამერიკელი სამხედროებს მედლები „გენერალი კვინიტაძე“ გადასცეს.

II ქვეითი ბრიგადის 22-ე ბატალიონი ბაგრამის საავიაციო ბაზაზე, აშშ-ის სარდლობის დაქვემდებარებაში „მტკიცე მხარდაჭერის“ მისიას გასული წლის ოქტომბრიდან ასრულებს. ბატალიონის ამოცანას  ბაზის შიდა და გარე პერიმეტრის  დაცვა და ძალთა უსაფრთხოების უზრუნველყოფას წარმოადგენს.