ნატოს სამხედრო კომიტეტის ვიზიტი საქართველოში
25 მარტი 2019

27-28 მარტს, საქართველოს ნატოს სამხედრო კომიტეტი და მისი თავმჯდომარე, ავიაციის მთავარი მარშალი სერ სტიუარტ პიჩი ესტუმრებიან. 

საქართველოს, როგორც ჩრდილოატლანტიკური ალიანსის დიდი ხნის პარტნიორის მიმართ მხარდაჭერის დემონსტრირების ნიშნად, ნატო-საქართველოს თანამშრომლობის ფორმატში, ნატოს სამხედრო კომიტეტი სხდომას გამართავს. სესიას ავიაციის მთავარი მარშალი სერ სტიუარტ პიჩი და საქართველოს თავდაცვის მინისტრი ლევან იზორია წარუძღვებიან. სხდომის დასაწყისში სიტყვით მიმართვების ნაწილი ღია იქნება მედიის წარმომადგენლებისთვის. ნატოს სამხედრო კომიტეტის წევრები რეგიონში არსებულ უსაფრთხოების მდგომარეობას გაეცნობიან, მათ შორის ოკუპირებულ რეგიონებში - აფხაზეთსა და სამხრეთ ოსეთში და ასევე, იმსჯელებენ შავი ზღვის რეგიონში არსებული ვითარების შესახებ. ნატოს სამხედრო წარმომადგენლებისთვის დაგეგმილია პრეზენტაციები ნატო-საქართველოს არსებითი პაკეტის (SNGP) განხორციელების, თავდაცვის ძალებში მიმდინარე რეფორმების, ასევე ნატოს ოპერაციებსა და სწავლებებში მონაწილეობის შესახებ. 

28 მარტს, ნატოს სამხედრო კომიტეტი ვაზიანის სამხედრო ბაზას ესტუმრება და საბრძოლო მომზადების ცენტრს (CTC) მოინახულებს, ასევე გაეცნობა საქართველოს თავდაცვის მზადყოფნის პროგრამას (GDRP), რომელიც აშშ-ის მხარდაჭერით ხორციელდება და საქართველოს თავდაცვის ძალების საბრძოლო მზადყოფნის ამაღლებასა და თავდაცვითი შესაძლებლობების განვითარებას ისახავს მიზნად. 

ამავე დღეს, ნატოს სამხედრო წარმომადგენლები წვრთნებისა და შეფასების ერთობლივ ცენტრს ესტუმრებიან (JTEC) და „ნატო-საქართველოს ერთობლივ სწავლებას 2019“ დააკვირდებიან. მრავალეროვნული, ბრიგადის დონის საშტაბო სწავლება მიზნად ისახავს საქართველოს, ნატოს წევრი და პარტნიორი ქვეყნების ურთიერთთავსებადობის ამაღლებას, ასევე საქართველოს თავდაცვის ძალების მართვისა და კონტროლის შესაძლებლობების განვითარებას.

 

პროგრამა მედიისთვის 

27 მარტი 

16:40 საათი - საქართველოს თავდაცვის მინისტრის ლევან იზორიასა და ნატოს სამხედრო კომიტეტის თავმჯდომარის, ავიაციის მთავარი მარშალის სერ სტიუარტ პიჩის სიტყვით მიმართვები 

17:00 საათი - საქართველოს თავდაცვის მინისტრის ლევან იზორიას კომენტარი მედიისთვის 

ფოტო და ვიდეომასალა განთავსდება ნატოს ვებ-საიტსა (www.nato.int) და საქართველოს თავდაცვის სამინისტროს ვებ-საიტზე (www.mod.gov.ge). ღონისძიების მიმდინარეობას თვალი ადევნეთ ტვიტერის მისამართზეც - @ModGovGe; @NATO_PASCAD 

აკრედიტაცია 

ღონისძიების გაშუქება შეუძლიათ მედიის წარმომადგენლებს, რომლებმაც უკვე გაიარეს აკრედიტაცია „ნატო-საქართველოს სწავლება 2019“-თვის. დამატებითი რეგისტრაციისთვის მოგვმართეთ თავდაცვის სამინისტროს სტრატეგიული კომუნიკაციებისა და საზოგადოებასთან ურთიერთობის დეპარტამენტის ელ. ფოსტის მისამართზე  pr@mod.gov.ge არაუგვიანეს 26 მარტისა, 16:00 საათამდე. 

უსაფრთხოების პროცედურები 

გთხოვთ, ღონისძიების გაშუქების მსურველი მედიის წარმომადგენლები უსაფრთხოების პროცედურების გასავლელად მობრძანდეთ ღონისძიების დაწყებამდე 40 წუთით ადრე  - 16:00 საათზე. 

საკონტაქტო ინფორმაცია: თეო ჭონიშვილი 577 19 00 87; თეო კერძევაძე 577 19 00 96 

მისამართი: ქ. თბილისი, სასტუმრო „ბილტმორი“ რუსთაველის გამზირი N29