ლევან იზორია: სამხედროებისთვის სახელფასო უზრუნველყოფა უმჯობესდება
6 დეკემბერი 2018

„დავიწყეთ ახალი, გაუმჯობესებული სახელფასო უზრუნველყოფა სამხედრო მოსამსახურეებისთვის. რეფორმა წელს 2500-მდე სამხედრო მოსამსახურეს შეეხო“ - აღნიშნული სიახლის შესახებ ლევან იზორიამ უწყების 2018 წლის საქმიანობის ანგარიშის პრეზენტაციის დროს თავდაცვის სამინისტროს თანამშრომლებისა და საქართველოში აკრედიტებული დიპლომატიური მისიების წარმომადგენლების წინაშე ისაუბრა.

თავდაცვის მინისტრის განცხადებით, ამჟამად საუბარია ინსტრუქტორებსა და საქართველოს თავდაცვის მზადყოფნის პროგრამის ფარგლებში მომზადებულ ბატალიონებზე. „ჩვენ გვაქვს ამბიცია მოვიცვათ სხვა ელიტური ბატალიონებიც, რათა სახელფასო პოლიტიკა და გაუმჯობესებული ანაზღაურება იყოს რეალობა. 2020 წლისთვის 10 000-მდე სამხედრო მოსამსახურე შეძლებს განახლებული სახელფასო უზრუნველყოფის მიღებას.