ლევან იზორია: ადგილობრივი სამხედრო წარმოების ხელშეწყობა უმნიშვნელოვანესი პრიორიტეტია
6 დეკემბერი 2018

საქართველოს თავდაცვის სამინისტროს 2018 წლის საქმიანობის ანგარიშის პრეზენტაციის დროს ლევან იზორიამ ადგილობრივი სამხედრო წარმოების განვითარების მნიშვნელობაზე გაამახვილა ყურადღება.

თავდაცვის მინისტრის განცხადებით, სამხედრო წარმოების ხელშეწყობა უწყების უმნიშვნელოვანესი პრიორიტეტია. „ჩვენ პირველად სწორედ დელტას მიერ წარმოებული ჯავშანჟილეტები და ჩაფხუტები მივიღეთ ხმარებაში. ამისთვის 5 მილიონის მობილიზება მოვახდინეთ ბიუჯეტში და ამას მომავალ წლებშიც გავაგრძელებთ. მინდა ასევე ავღნიშნო, რომ სახელმწიფო სამხედრო სამეცნიერო-ტექნიკური ცენტრი "დელტას" მიერ წარმოებული სამედიცინო-საევაკუაციო ჯავშანმანქანების შეძენით საუდის არაბეთი და ინდონეზია არიან დაინტერესებულნი“.