დასავლეთ სარდლობის წლის შემაჯამებელი ბრიფინგი
10 იანვარი 2018

სახმელეთო ჯარების დასავლეთ სარდლობაში 2017 წლის შემაჯამებელი ბრიფინგი გაიმართა. შეხვედრა, რომელიც სახმელეთო ჯარების დასავლეთ სარდალმა, ბრიგადის გენერალმა გიორგი მათიაშვილმა გახსნა, დასავლეთ სარდლობის სხვადასხვა ქვედანაყოფის ხელმძღვანელი პირები დაესწრნენ. 

შემაჯამებელ ბრიფინგზე დასავლეთ სარდლობის შტაბმა განხორციელებული სამუშაოებისა და სამხედრო სწავლებების შესახებ დეტალური ანგარიში წარმოადგინა. ოფიცრებმა მომავალი წლის დაგეგმილი სამუშაოები და პრიორიტეტული მიმართულებები განიხილეს. 

შეხვედრის დასრულების შემდეგ ბრიგადის გენერალმა გიორგი მათიაშვილმა სახმელეთო ჯარების დასავლეთ სარდლობის საუკეთესო სერჟანტ-ოფიცრებს საქართველოს თავდაცვის სამინისტროს უწყებრივი მედლები  გადასცა.