• fb
  • y
  • fli
  • tw
  • +995 032 2 723535
  • საქართველოს თავდაცვის
    სამინისტრო
  • Ministry of Defence of
    Georgia
20 აპრილი 2017

კადეტების საინფორმაციო შეხვედრა დმანისის საჯარო სკოლაში

გენერალ გიორგი კვინიტაძის სახელობის კადეტთა სამხედრო ლიცეუმის ხელმძღვანელობა და კადეტები საქართველოს მასშტაბით საჯარო სკოლის მოსწავლეებთან საინფორმაციო შეხვედრებს მართავს. დღეს, კადეტები ლიცეუმის ხელმძღვანელობასთან ერთად დმანისში, მე-2 საჯარო სკოლას ესტუმრნენ და სამხედრო სასწავლებლის ისტორია, სტრუქტურა, სასწავლო პროგრამა და საყოფაცხოვრებო პირობები პრეზენტაციის სახით გააცნეს.

საინფორმაციო-გაცნობითი შეხვედრა კითხვა-პასუხის რეჟიმში გაგრძელდა. სკოლის მოსწავლეების კითხვები ძირითადად გენერალ გიორგი კვინიტაძის სახელობის კადეტთა სამხედრო ლიცეუმში მოსწავლეების მიღების პირობებს და სასწავლო პროგრამის ძირითად პრინციპებს ეხებოდა.

კადეტთა სამხედრო ლიცეუმის წარმომადგენლებმა მსგავსი ტიპის საინფორმაციო-გაცნობითი შეხვედრები საქართველოს სხვადასხვა რეგიონების საჯარო სკოლებში უკვე ჩაატარეს. სამომავლოდ მსგავსი შეხვედრები მარნეულში, ონში, ამბროლაურში, ტყიბულში, საჩხერეში, ჭიათურაში, ხულოში, შუახევში, მცხეთაში, დედოფლისწყაროში, დუშეთში, ყვარელში, ასპინძასა და მესტიაში გაიმართება.

Print